ENGLISH/INUKTITUT
traditionandtransition@mun.ca        

Kaujisannik

Kaujisattet tikiajasimalittut Nunatsiavummut unuttumaginnik jârinik, tâvatuak tânna sivullipâmmaginga Labrador Inugijangit ilauKatausimanninginnik ajunnatumik amma ilautitautsiatlutik Kaujisanniup ikajuttigenimmik. Tânna PiusituKait amma Asianottauvalliajut Kaujisannik Ikajuttigenninga kamaKattavut Kaujisannimik tamâgik suliagijaujuk amma taikkununga Labrador Inugijanginnut. Tânna ikajuttigennik takunnâluaKattavuk sakKititsigiamut piusitsamik ilautitsiniattumut NunaKakKâsimajunnut Kaujisannimik tamannatuinnaulugani angijumik angilliagiattauluni Kaujimajaugettunik tâvatuak ikajutsiatuk nunalinnik.

Jâringani 2014, Memorial Ilinniavitsuanga amma Nunatsiavut kavamanga atittâviKasimalauttut AngiKatigetsiatlutik tukisiKatigennimik pivalliatitsigiamut Kaujisannnik pivitsanik iluani Nunatsiavummi. Tânna ilinniavitsuak najuttiKammijut KaujimajaukkusiakKulugu kinakkutuinnanik ilinniatitsigiamut iluani amma pitjutiKajunut Nunatsiavummiunik, amma ikajugiamut Nunatsiavummik pivalliatitsigiamut namminik Kaujisasongugiamut sakKijânginnaKullugu, inulimânut maligatsanik pivalliatitsigiamut amma ilikkusimmik aulatsinimmik.

Tânna Nunatsiavut kavamanga Kaujisattet UKautjigiajet katimajingit, atâgut Nunatsiavut kavamangata Kaujisattet suliaKapvinganit, angiutiKaKattavut ilonnanginnik KinugautiKajunut Kaujisagiamut iluani Nunatsiavummi upvalu ilautitsijunut Nunatsiavummiunik.

Mânnaluatsiak ungatâni KaujisattuKavuk suliagijaujunik atâgut PiusituKait amma Asianottauvalliajunut, unuttuit amma pivalliataummijut kamagiamut kajusiutigijaujunut atuttaugiaKajunut ikajuttigennimik amma taikkuninga inunnik najuttiKajunut kajusitsiaKujijunut. Ilonnatik Kaujisannik atâgut ikajuttigennimik ilinganiKavut atautsimik upvalu unuluanik ukuninga ilinganiKajunut:

Atjiliugisimajut: Vanessa Flowers. Nutagaup kamillâgutingit (2015). Tuttujak, allasajak, sapangak, ukaliup aminga, atigitsajak. 6.35 x 16.51 x 10.16 cm. katitsutaumajuk allanguattimut. Atjinguak: Ned Pratt Atjiliugitti, pisimajut The Rooms. Taimâk tunijausimajutigut apvitattitauniammat takugatsait SakKijâjuk: Allanguattaumajut amma Sananguataumajut Nunatsiavummit, âkKisuisimajut The Rooms Prâvinsikkut Allanguattet Takugatsait SuliaKapvingata.