ENGLISH/INUKTITUT
traditionandtransition@mun.ca        

Sivullipâk Labrador-imi Kaujisanik katimannik

Pilluni ogganianimmit amma immapiligijimit, avatiliginimmut amma silak tautsivallianinganut, NunaKakKasimajut aulatsiningit, NunaKakKâsimajuit uKausingit utititauningit, omajunik paitsinimmut, ammalugiallak; Kanuitutuinanik KaujisanniKavuk pittuKavuk Labrador-imi ullumi. Amma kinalonet Kaujimanitsaungilak Labrador Institute Aulatsijingata, amma PiusituKanik & Tautsenimmut Kaujisattik, Ashlee Cunsolo.

“Unututut pititsijut Labrador-imi Kaujisannik Kaujisagumanatut taggami inigijangani, amma taggamiuluasialugani,” Cunsolo uKavuk. “Kaujisagumanatut, adjigengituit Kaujisannet pijaujut mâni. PitaKammagitovuk, avatitsiagitulagiuvuk amma unuttunik pivitsaKavuk katititsigiamut inunnik aungagiak ikajunnimut Kaujisannimik iluagut ilisimajutigut amma unutut ilisimajut katiutiningit.”

Taimaimmat Labrador Institute-tik amma Katsikiat ilagejut pititsiniaput sivullipâmik Labrador Kaujisannimik katimanimmik, kamalutik unutunik Kaujisaninnik pijaujunik nanituinak Fevruara 15-18, 2017.

Tânna katimanik ingiggatitaulâttuk adjiungituni Upper Lake Melville iningani pivitsauniattuni Sheshatshiu, North West River, Happy Valley-Goose Bay, amma kingullipângani ullungani unikkâtuKatillugu, Kimutsinik, amma onatsisiunik Mud Lake-imi.

“Uvagut sakKititsiluagumalautugut ilonainut adjiungitunik tamânijunik Labrador-imi, piluattumik Upper Lake Melville iningani,” uKavuk Cunsolo. “Inigijaujuk pingasunut adjigengitunut nunaKakKâsimajunut, pitaKavuk SiKinimmi Satjugiami Innunik, pitaKavuk Taggamiunik Satjugiami Innunik, pitaKavusi Innu Nation-iskunik, amma ilonagialanginik KaiKattatunik silatsualimâmit iniKajunik Happy Valley-Goose Bay-mi. Uvagut pigumallagilaukKugut sakKititsigiamut adjiungitunik amma pitaKallagininganik.”

Cunsolo uKajuk KaujisaniKasimagaluattilugu katimaninnik sivungagut Labrador-imi, Kangalonet taimâk angitigijumik ubvalu iluanotitsiluni unutumaginnik Kaujisattaujunik amma inigijaujunik inigijaujumi.

“Pijaugajappat sakKititsigiamut Labrador Kaujisannimik katimanimmik, amma uvagut pitiKattaniatavut kingullingani jârimi, taimaimmat ammatitsiagasuallugu pigunnausittitut amma katittitsiluta ilonainik ilisimagasuannimut adjiugituni,” Cunsolo uKavuk. “Uvagut pivitsaKavugut suliaKaKatigegiamut, taimaigaluatilugu uvagut pivitsaKajut inuit Labrador-imi âtsigiamut pigumajamminik amma sivuliutjaugialinik Kaujisattinut, amma âjaugiasillutik Kaujisannimut ingiggatinganik Labrador-imi taggamiunut amma ilingajuk taggamiunut.”

Kanuttojuk tânna Kaujisannik katimanik pitaKattisiniakKuk initsamik Kaujisattet pisonguniattilugit nanituinak Kaujisapvimini Labrador-imi.

“ImaKâ Kaujisannik suliatsak pijaujuk Mary’s Harbour-imi kinakiak Nainimi KuviasotiKammagikKuk amma tânna sivullipâk ilaugutinga. ImaKâ nutângujumik sakKituKavuk Labrador West-imi taikkua Happy Valley-Goose Bay-mi ilaugutigigajatanga. Kanutovugut ikajugiamut tapvona tâtsomuna pivitsaujukkut sakKitijattinut Kaujisannimut katimanimmut,” Cunsolo Kanutojuk.

Tânna katimannik âkKitausimavuk ilautitsiluni amma ilautitsinik pigunausittamik pivitsamik apitsosinnik amma uKalaKatigenik. Adjigingitaganut ilisimajunut katimaninnut, tânna Labrador Kaujisannik katimannik tugautiKavuk ilaujunut ilautitsigiamut.

“Uvagut pigumavugut katimannik aiviusongutillugu amma uvagut pigumavugut innunik ippigillutik ilauKataugajannimmik uKâlautaujuni amma uKautjiujuni, uvagut pigumajugut ikajutsigiamut ilinganinnut ilonainut innunut tamânejunut. Taimaimmat isumalaukKugut piunippâmik pigunausimmik pigasuagutsi Kaujisannimut sakKititsinimmut pitaKaniakKusi tallimanik minotenik uKâlagiamut sunalimmangâtsi kingulliagut fifteen-nanik minotet apitsosinnut amma uKâlautinimmut,” uKavuk Cunsolo.

Tânna katimannik pigasuajuk pivitsaKatisilluni ilonainut pigumajunut ilauKataugumajunut ilaugiamut. Pitjutigijanga, akiKangitumik ilaugunatut pivitsaKatitauvut nunaliujunnut, inutuKanut, iliniatunut, inuit kenaujaliutsiangituit, ubvalu inotuKait.

Tânna Fevruara pivitsak âkKitaumavuk sivullipaulluni maggok jâret katimannik, tukinga âkKisiusimajut pigumajut pititsigiamut maggok jâret tamât. Taimaigaluatillugu tukkiKalungituk akkungani katiutigiamut iluani.

“Kanutovugut, naittumi, uvagut sakKititsiluta aulajunik ilagenik inunnik pigumajunik ikajugiamut Kaujisannimut Labrador-imi, pigumajunut pigiallagiamut uKâlannimut amma sivuppiagutinik amma ikajunnimik ilageKatinnik amma pimmagiujunik,” uKavuk Cunsolo. “Kanutovugut pititsigiamut tâtsuminga Kaujisannimik katimanimmik kingullianik jârimi uvagut anginitsamik katimattuKaniattilugu tamât, katitsiluta ununnisamik inunnik katittillugit. Kanutojugut piniannik sunak inuit aivigisongugilâttanga.”

Kaujisagiallagumagutsi pitjutigillugu Labrador Kaujisannimut katimanik, aigitsi Kagitaujanganut amma Facebook ininganut. Ilijausimagegitsi mâna initsaKatsialungimat. NukKavitsanga ilitjigiamut atuagatsanik Januara 17-ami.