ENGLISH/INUKTITUT
traditionandtransition@mun.ca        

IlikKusimmi NunaitKimiggutaujut Attutaunnigijaujunut kangitluasutjuami TuttuKutinginnik PinasuattaugiaKangitunut

Joli 2018

KaikKujausimajuk SakKititsisimajuk omunga: Jason Dicker, MA Ilinniajuk, Memorial Ilinniavitsuangani

Atiga Jason Dicker. Uvanga Inuk Nain, Nunatsiavummit. NolaukKunga Corner Brook, Newfoundland-imut 2013-imi pijagegiatutlunga namminitsaganik BA iluani Avataliginimmik Ilinniagiatutlunga tautsegama Ilinniavigiallamik North Atlantic nalunaikkutattâpvigisimajaganit ilingajumut Taggami PiviannatoKattajunut Ilisimallagijiugiamut Happy Valley-Goose Bay, Labrador-imi. Pijagegegama nalunaikkutattâgesimagegama, kajusiutiKalaukKunga angilligiattisigiamut immigolingajumik suliatsamik, suliaKasimalikKunga Kaujisagiamut pijagesimatlunga ilinniajaganik Kaujisavunga tuttuKutinnik pijaugiaKagunnaitunut taggami Labradorimi amma suliaKaKatigellugit Inuit attutaumajunut tâpsumunga nukKangattitaujumut.

Mânnaluatsiak iluani maggonik jârennik allajaganik akKutingani ilinganiattumut Ilisimallagijumi Allanguagiamut, Avatet Maligatsanginnik suliangujumik inigilittaga tungavinganik suliaKatlunga allaniattaganik taijamik “Kimiggujuk attutaumajunik kangitluasutjuami TuttuKutinginnik pinasuattaugiaKagunnaitunut taggami Labradorimi InuKutinginnut; ilinganiKatsiatluni piviannatuk aulataugiamut takunnausinginnik”. Kaujisajaga atânevuk kamagijautluni omunga Dr. Stephen Decker, suliaKasimajuk piviannatunik aulatsigiamut tugâgutiKatluni Kanuilinganningit omajunik aulatsigiamut ilinganiKajunut Newfoundland amma Labrador-imi.

Mânnaluatsiak pijagegasuavunga 12-woginik suliaKapvimi tâkkununga Tungait Aulatsijillaginginnik, ilagengujut ilisimallagiutlutik iniKajunut Happy Valley-Goose Bay-mi, sakKititsiKattajunut kenaujannik aulatsigiamut, suliagijaugialinnik, suliatsanik aulatsiKattatlutik amma Kimiggutaugialinnik ikajuKattajut tâkkununga Tungait Ikajuttigejunut Oganniatuligijet AngajukKauKatigenginnut amma Tungait Omajuligijet amma Pigutsianut AulatsiKatigejunut AngajukKauKatigengit.

PannaigutiKavunga ilautitsigiamut amma atugiamut NunaKakKâsimajuit takunnausinginnik Kaujisajaganik amma asinginnik ilisimallagijunik-ilinganiKajunut suliatsanik ikajugiamut NunaKakKâsimajiugiamut amma nunalimmoKullugit avatik KaujisannigijauKattajunut amma ottutauKattajunut.

Unikkausivut