Tradition + Transition
ENGLISH/INUKTITUT
traditionandtransition@mun.ca        

Suliangujut

........................................................................................

KipukKak amma Aillik – Tânna Unikkausik Maggonik Hudson Bay Niuviveginni

Kaujisattik: Mark Turner
Kagitaujakkut email: mark.turner@mun.ca

Tânna pigiasininga Nunatsiavut nunagijangani KipukKami atânigutitsiaKut Hudson Bay Company-imut sakKititsisimaneginik maggonik pimmagitonik Kaipokok Bay-mi nainten jâringiniin. Aujami aullainik Inununt iniKalaukKuk Kikitami Aillik-mi Kanitanganut kangitlop kitâni. Ukiatsâmi , ukiumi amma upingâmi mikigianiatet amma pinasuatet aiKatalaukKut “Post-imut” kangitlop kangiani aulailutik HBC-kut iningani Kibokok-mi. Tâkkua iluinganippat allataumajut sivulligani nunaKanimmi, kenaujait amma piuset inigijaujumi Kaipokok Bay-mi taimaitlutik tigumiatauvut HBC-kut allasimajangini tâkkunonga maggonut iniujunut. KimikKuluni allataumajunik Kaujisautinik pitaginik sivullipânik nunaKasimajunik Kaipokok Bay-mi amma taikkua pinasuaKattasimajut, mikigianiaKattasimajut, ogganiaKattasimajut amma aullaiKattasimajut nunagijaujumi ajunanginitsautitsivuk HBC Archive-vinga kajusittisininga Kagitaujakkut sakKititsigiamut allataumajunik, kenaujat allasimajut, allasimanik amma adjigengitunik allataumajunik HBC-kut iniginni Kibokok amma Aillik.

Tâkkua atuinauningit allataumajut nalautsivuk pinianiugasuajumi suliatsamik Postville Inuit Nunangata kavamanga 2014-amut Niugutuligimmut Siagunitait Atugatsanganik sakKititsigiamut Kaujispviusomi amma sanajausimajut niuvippik. Tânna Kaujisapvik ininga , sakKititaujumik uKautjigiamut unikkausimik KipukKamik nunaliujunnut amma niuggutunut, pigunaniattilugu iluingasiattumik uKautjinik kenaujaliunimut, piusituKanik amma aulausingitt inuit iluani Kaipokok Bay iluagut allatausimatsiatunut tigumiataujunut Hudson Bay Company-kunut. Tâkkua akKamut allataumajut, allasimajut amma kenuajalitâjut allataumajut allataugialalutik amma tukisiutigallutik. Tânna suliatsak pijageppat tâkkua atuinaulâttut iluagut Nunatsiavut IlikKusiliginimmut Kaujisautinganut atutausonguluni nunalinni sivunitaligijinnut amma ilisimalagitunut. SakKititaujuk sivullipauluni otugautik aulatsisimaninginut amma uKautaujunut HBC allasimajangit, sunak ilittaumajuk kamasimanimmut uKautjinik Kibokok amma Aillik tungaviKanialittilugit kamagiallagiamut HBC allasimajanginik sollu nunaliujut Rigolet amma Ukusitsalik, ammagiallak tagganimiugujunut HBC inigisimajanginut Saglek, Nachvak amma Killinek.

Image source: http://www.tripmondo.com/canada/newfoundland-and-labrador/postville/

Suliangujut