ENGLISH/INUKTITUT
traditionandtransition@mun.ca        
    

    

    

Suliangujut

........................................................................................

Agvituk / Inogusiusimajut
Avertok-mi Itsasuanittaliginnik

Kaujisattek: Lisa Rankin, Laura Kelvin
Kagitaujakkut email: lrankin@mun.ca

Inuit Nunalet kavamanga Hopedale-imi, Nunatsiavut, pingutitsilauttuk Avertokmi Itsasuanittaliginnimik pigiasititsigiamik niuggutitsinimmi piusiugajattunik amma ikajutsiluni nunalinni Kanuttogutinnik inogusiusimajutigut Hopedale-imi. Tugâgutiujuk kamagiamik inogusiusimajunik Hopedale-imi iluagut nunalet Kaujimausingagut Kimmigugiamik Avertok itsasuanitapvilinginnik (GiCb-01) amma nunaup iluanosomik-kamautimmik (GPR) Kaujisagiamik Morâviamiut Ilupvinganik Hopedale-imi.

Avertok angijovuk Inuit apviniapvigisimajanga ikKanattosimalluni ilanga Inuit- taggamiut sadjugiani tautseviusimajut atutilluigit 16th amma 18th jâriusimajut. Nunausimajuk iniKajuk mânnaujuk killiliupvingani nunalet Hopedale amma ikKanattumagiulluni inugijanginnut nunalet. Taimaigaluattilugu, ullumi illolittut, akKusinet sanajauningit amma imait Kuigiattuvellu suliagijauningit ilonnatik attuisimajut Avertok-mik amma inigijausimajut ajunnamat sukkutaumalittuk. Hopedale-imi nunalet Kinusimajut suliaKausiujuk kamanniugiaKanninganik itsasuanittatalinnik killigiugviusimalluni pitaKagajallunilu itsasuanittanik Kaujisattaugajattunik amma paigillugit.

Pigianninginni twentieth jâriusimajut, Avertok unuttuitulluni Kinijapviusimajuk itsasuanittanik, amma piKutiuKattasimajut iniusimajunit iluanelittuk piulimatsivinni takujapviusoni Canada-mi, Amerikkami, amma Europpimi. Taijaujuk Avertok Archeology Digital Archives takutitsigunnalâttuk illuit ilutsinginnik amma 3D adjiliugutiusimajunik tamakkuninga itsasuanittavininnik, ilautillugu nunalet Kaujimausingit amma Avertok-mi iniusimajut. Tamanna pitaKatitsiniattuk nunalinnik atutitsigiamik aggatausimajunik amma ilonnatik itsasuanittavinet aggataumajut Avertok-mi katillugit Kimmigutaugunnagajattilugit amma Kaujisattaulutik atausiulingallutik.

Nunalet Kinusimammijut papvisâttaugani KaujisattaugiaKanninganik Morâviamiut ilupvinga Hopedale-imi ilonnatik iluvittaumajut Kanitagemmata iluvipvimejut naneningit Kaujimajaugunnaimata, Nunaup Iluagut-kamautimmik (GPR) sukkuisongungituk nunamiutanik atullutik kamautinnik killigiudjigiamik adjigengitunik (ubvalu sunaujunik) iluani nunajaup. Tamakkua kamagijaugunnatut tukittaliugiamut pillugit nunaup atânettut ilutsitigut amma itsasuanittaujutigut. 2017-KaujisattuKanningani, Maria Lear kamalauttuk ilanganik GPR Kaujisannimik Morâviamiut ilupvinganik nalunaikkutaKangitunik kamagiamik ilanginnik ilupviusimajunik paitsigunnagiamut amma nalunaikkusillugit, Kaujijaugalasimajut Kaujisannimi piujummagik amma KaujisattuKagiallagunnaluni pannaigutiujumik sivunitsamut.

Avertok Archeology Project nunalinnut piusiukKujiusimajuk amma ilautitsisianialluni Hopedale-imi nunalinnik, 2017-nami suliaKattisilaukKugut pingasunik nunalinnik, Ida Semigak, John Piercy, amma Rosie Edmunds kenaujaKattitaulluta Inuit Pathways. Ilinniatuk ilisalauttut itsasuanittaliginnimi malijaugialinnik amma Kanuk aggasongugiamik, ÂkKisuilaummijut takujatsanik pidjutilinnik itsasuanittaliginnimik amma Inuit inogusigisimajanginnik amma takujausongullutik Avertok Archeology Project YouTube paginângani. Takugatsaliullutik ilinniatut âkKisuilauttut apitsotitsanik amma apitsuniallutik Hopedale-imi nunalinnik amma itsasuanittaligijinnik, Ammalugiallak, takujausongulauttut tusatsaulunilu tusagatsaligijitigut. Takusonguvusi iluagut Facebook page amma Instagram amma Twitter Kaujisagumagutsi!