ENGLISH/INUKTITUT
traditionandtransition@mun.ca        
    

    

    

Suliangujut

........................................................................................

Mikijut Allataumajut Inosimmi: Nunatsiavummi Mitsutaumajut

Kaujisattik: Susan Kaplan

Tânna suliatsak, ikajutigenikut pijausimajuk akungagut Nunatsiavut mitsutinginut amma Tâkkua Peary-MacMillan Taggami Piulimatsivet, pitakavuk Kaujisanimik Taggami Piulimatsivimmi 75 atiKangituit mitsutaumajut sakKititaumajut Nunatsiavut nunaginni 1940s amma 1950s-ini. Tânna tautusiagituk, mikijut mitsutaumajut nalunaisimatsiatut allataumajut piusituKannik Inuit silami pisonginnik amma Labrador-imi nunaginnik. Tâkkua sakkijâtitsivut adjiungitumik Nunatsiavummi sananguatet piusituKammik Kangalonet Kaujisattaulautsimangitunik amma angijumik Kaujijaugumajuit nunalimmiungujunut.

Mikijut Allataumajut Inosimmi sakKititaulakKut kingullitagejunni. Taggami Piulimatsivik suliakatingit amma mitsutet Nunatsiavummi sivullimik suliaKaKatigelâkKut piulimatsivimmi unikkaujillutik katitsutaumajunik. Tânna kingungagut suliatsak ainialittilugu Nunatsiavummut, nunalet suliaKajuit ilaget sakKititsiniattilugit Kaujisagatsanik kamagigatsanik amma nunaliujunni piusiuKattatunik pigumajamminik. Atuinagutisinik kingungagut, tânna Taggami Piulimatsivik amma Nunatsiavut ilagijangit pilâmmata ikajutigelutik atuinagutitausimajunik mitsunimmik suliatsamik.

Tâkkua mitsutaumajuit pigunatillugit piunitsamik tukisiannimik Labradorip aiviugiasilauninganit piusituKangit, tâkkua Kângiutitsisongummata Nunatsiavut inungit, amma nunalet amma imminik Kaujimanik. Tânna suliatsak ilangauvuk anginitsamik pinianimik ikajugiamut allasimanimmik amma ullusiugutiKalluni siagunitanik sananguanimmut otutaumasimajunik Labrador Inuit amma angilititsigiamut taggamiut nunalet aisonguninginut piulimatsivet tigumiajangini.

Suliangujut