ENGLISH/INUKTITUT
traditionandtransition@mun.ca        
    

    

    

Suliangujut

........................................................................................

IkKaumajammik

Kaujisattek: Tim Borlase amma Martha MacDonald
Kaujisapviusok emails: tim_borlase@hotmail.com, martha.macdonald@mun.ca

Tânna suliatsak tugautiKavuk 40 jâret pinguanimmik allanimmik ilingajumik Labrador Creative Arts Festival ilagiatjisimajuk tautsivalliajumut sunaumangât Inogiamik in Nain-imi, Hopedale-imi, KipukKami, Makkovimmi amma Rigolet-imi. Ilangani akKutimi imminik kavamaKagiamut, tâkkua nunaliujut sâgutiKalaukKut angijunik ottugatsanik inosuttunut amma Kanuk sakKijâtinialimmangâmik Inonimminik.Taimangat kavamatâsimalinnimit, takkua nunaliujut pinguaguset sakKijâtitsivut nutâmik ippinianimmik Kanuk imminik takunânimminik. UKautaujut ilangit uKausitsuanit amma uKausinnik, nottitausimannik, asiujinik uKausimmik, pigasuannik akungagut piusituKait Kaujimannik amma ilinniagasuannimik, imminesimanimmik, nanganik, ilaget pinniagutinimmik, pitjutiKanik Kaujisautitigut amma nutâmik tupauminik.

Maggonik sitammanut woginut, pinguanet pitjutilet inosigijamminut nunaliujunut sakKititaugiallalâttut ilonnaini nunaliujunni iluagut âkKitaumajop ilinnianiujop tugautilet pinguanitsanut. Tâkkua ilaujut tugautitsanik sivuppiagutitsanik kingumut takunânimmik Kanuk sivungagut takunnâsimanimminik imminik Inonimminik amma kinaulimmangâmik. Tugautitsanga tâtsumap suliatsaup tâkkua ilangit pijaugunatillugit nunagijammini amma Illusuammi, nutâk initsak Nainimi. Tânna tugautinga pitjutiKatuinnangituk sakKititsigiamut siagunittanik atugatsamut, pikKujilluni amma pitaKattisilluni tungavimmik sivunitsamut nunaliujut pinguanimmut sakKititsinimmut.

Pijagenik sakKititaujut, allataumajunik pinguagutinik pitjutilinni Inuit ilusinginnut nailititaulâkKut amma allataumilutik. Tâkkua pinguanet tigujaulâkKut forty jâret sakKitisimajanginnut Labrador Creative Arts Festival amma ilautillugit kiggatujunnik ilonnainit Nunatsiavut nunagijanginit. Tâkkua nailititausimajut allataumajut tungaviKalâkKut Kaujisanimmut kamajunik tautsejunik tukinginik amma pimmagijanginik imminik kiggatusongunimmik akungani Inuit inosutuit Kangisimajuni 40 jâret sakKisimajuni Inuit Labrador sivuppianinginut pigiasinimik aulatitsiutitsamik pijumit LIA iluingajumut imminik kamasongugiamut Nunatsiavut kavamagilittangani.