ENGLISH/INUKTITUT
traditionandtransition@mun.ca        
    

Kaujititsinik kinaunimmikSananguanet Labrador Inuit e-database (ALIVe)

Kaujisattet Ilagengujut

Heather Igloliorte
Amy Prouty

Kaujisapviutausok

Kaujisapviusok email: heather.igloliorte@concordia.ca

Tânna suliatsak piniattuk Kagitaujakkut katititsiluni amma utitisilluni Nunatsiavummi-sanaujaumajunik, Kaningitumit piKutet, takujatsait, amma allataumaningit suliatsaujumik, pigasuamut utitisigiamut Kaujimanimmik amma Kaujimaujaujunik piluattumik angijumik tigujaugunangitunik Nunatsiavummiunut akunimmagialuk. PijuKattilugu Kaujisanimmik Nunatsiavummi, sananguatet amma asingit uKatsainaKatalaukKut pigumanimminik anginitsamik aiviKasongugiamut ilikKusiliginimmut piKutinnik sanajaumajunik sivullitaminut, amma apomautiKanik pitaKanginiganut sanajaumajunik atuinanik Labradorimi.

ALIVe suliatsaKaniakKuk silatsualimâmi Kaujisanimmik piulimatsivinnik sutaijattunik tigumiajunik Labrador Inuit piusituKanginik, amma ikajutsilutik amma sakKititsilutik Kaujimautijunnut Kaujisattiujunut amma ilagenut Labradorimi amma silatsualimâmi akunganit iliniavitsuanit amma piulimatsivinit tigumiajunit Labrador Inuit Kaujisattausimajunit amma tigumiattaujunit. Tâkkua ilisimallagituit amma piulimatitsijet KaiKujaulâkKut ilauKataugiamut anginitsamik suliatsamik allasimagiamut amma Kagitaujatisigasuagiamut pimminik Labrador Inuit tigumiajamminik sivunitsamut, sakKititsinittinut amma kamanittinut tigumiajaujunik iluani Canada, Europe amma United States-imi, kingullipânganut aikKâgani sakKititsigiamut Kagitaujakkojumik.

Iluagut ingiggajumik Kaujisanik Inuit nunanginni amma piulimatsivinni, uvagut sakKititsilâkKugut takugatsamik Kagitaujatigut pigunnatumik pisongujumik sivungagut tigujaugunalaungitunik sananguataumajunik adjigengitunik amma Kaujisautinik tigujaugunatunik ilingajunik Labrador Inunginnut, iliniatunnut, ilisimallagittunut, sananguatinnut, piulimatitsijinnut amma Inuit sanasimajanginik takugumajunut silatsualimâmi. Pilluni takutitsigiamut ilingajunut Inunnut iluagut Kaujisannikut atuttaujumut, Kaujimajaujut piluattut adjigengituit sanajaumajut sakKititautuinagiaKatlaKut piunitsautillugu amma ommaumitillugu piulimatsiviup tigumiajangini.Uvagut pigumallagivugut tâtsumingatuinaungitumik sakKititsigiamut Kagitaujakkut ammalugiallak Kagitaujattiujuni ikajugiallutalu silatsualimâmi piulimatsivinnut KuviasotiKagiamut piujunik Labrador Inuit sanâginik piulimajaujunik.

Suliangujut