ENGLISH/INUKTITUT
traditionandtransition@mun.ca        
    

Suliangujut

........................................................................................

Johannes Point amma Hebronimi Itsasuanitaliginimmut Suliangulâttut

Kaujisattik: Peter Whitridge

Tâpvani suliangulâttuk nunangualiuKattatuk sivungani Inuit inigiKattasimajanginnik iniKajunik Taggami Nunatsiavuttimi, taijaujumi Johannes Point, Hebron Fjord, amma avatingani Hebronimi Misiunet Inigisimajangita atullutik taijaujumik UAV, upvalu tingidluni adjiliugisomik. Ottotigijaullutik aggataulâttut Inuit asinginnut tikitakKâtinnagit amma pigiannimi taimangasuanit Inuit ukiumi inigiKattasimajanga. Taikkua nunangualiuttauningit amma aggatauningit suliagijaujut piunitsamik tukisiniKagasuamut inigijausimajumik ammalu kenaujaliugutigijausimajunik taitsumani Inuit inigiKattasimajanginni Taggami Sadjugiami Labradorimi.

Taikkua itsasuanitaliginimmut ikajuttigettet, sivulittiutillugu Peter Whitridge, aiKattalâttut tamakkununga inigijaujunut akuniutigijumi tallimani wogini. NunliuKataujut katsungaigutiKakKujaujut niuggugiamut suliaKapvigijaujuni sinittaviuKattatunut Kangatuinnautillugu aujami. Nunalinnik KaujisaKatigeKattanet ammalu auja nâmmat KaikKujiutigijauKattatut ammatitsitillugit ikajuKattatut Labradorimiunik Inunnik Kaujimattisitsainagiamut suliangujunik Nunangani, ammalu pivitsaKattisigiamut Inuit uKâlautiKagianginnut isumatsasiugutinginnik.