ENGLISH/INUKTITUT
traditionandtransition@mun.ca        
    

Suliangujut

........................................................................................

Rigolettiup Kanitangani Itsasuanitaliginimmut Kaujisanniujut

Kaujisattik: Jamie Brake, William Fitzhugh

Tânna suliangujuk kamagijaugutinginnut unuttumaginnik allatausimangitunik itsasuanitalinnut inigijaujunut Nunatsiavuttimi SiKinidlianejuni, ammalu inigijaujumi Rigolettiup avatingani. Tamakkua Kaujisattaujut Nunatsiavut Itsasuanitaligijinganut Jamie Brake, amma nunatsualimâni nittutaugutiKajuk itsasuanitaligijik amma angajukKângudluni ilinniagiallavimmi taijaujumi Smithsonian Institute’s Arctic College, William Fitzhugh.

Ungatânelittuni 70-nit inigijaujut nalunaittitausimalittilugit mânnamunut, tamanna inigijaujuk pitaluviniKajuk itsasuanitalinnik, ununnimagingit tamakkua inigijaujut takutsaujuKatillugit atuttausainaKattasimaningit Inunnut. Suliagijausimalittu tamâni ilattautitsisimaligettut unuttugiallanik Kaujimajaugutinginnik taimangasuanit piusigijauKattasimajunik tamâni, ammalu pitâtitsiKattasimalittut Nunatsiavuttimik pimmagittumagiujunik Kaujimattitaugutitsanginnik ilingajunik sivulligijausimajunit ikajuttaugutigijausonut aulatsiusitsamut.

Tânna Kaujisanniujuk suliagijaujuk taikkua nunalet Rigolettimi Kinusimanninginnut, anginitsamik ilinniagutiKagumadlutik sivulligisimajanginnit, ammalu Kinigiamut atuttaugajakKotunik niuggutiligijiugiamut pivitsaKattisigajattunik. Mânnaluatsiak itsasuanitaKajuk aggataulittuk PiusituKaujuit Asianguvalliajuillu suliaKattinginnut aulatsitillugu Lisa Rankin taijami (Double Mer Point Itsasuanitaliginik). Tainna iniKajuk nunalet Kijujaup pisupvingata isuani, takinippaujumi Taggami Amerikkami.

Inulimât katimaKatauKattatut pigiasittuKanialippat atunit suliagijaupvingani, ammalu nunaliuKataujut amma inosuttuit katsungainniKattitauKattatut suliaKaKataugiamut itsasuanitaligijinnut tamatsumunga ilisimanniKagasuamut, ammalu pigutitsigiamut piKatigegusigijausonik. Ilonnatik Kaujititsiutet suliaKapviusimajuni pijagettausimajunut atuinnautitauKattatut Kallunâtitit amma Inuktitut.