ENGLISH/INUKTITUT
traditionandtransition@mun.ca        

Suliangujut

........................................................................................

InukBook: Inuktitut Suguset Atuagangit

Kaujisattet: Martha MacDonald, Heather Igloliorte, Jodie Lane, Christine Nochasak, Joan Dicker, Alana Johns, and Tracey Doherty
Kagitaujakkut email: jodie_lane@nunatsiavut.com, Martha.macdonald@mun.ca
Kagitaujakkut links: www.facebook.com/Inukbook

Tânna suliangujuk aulatauKattatuk katimaKatigeKattatunut inunnut KanuttoniKajunut sakKititsiKattagiamut Inuttitojunik atuagatsanginnik suguset, tungavigijautillugit unikkauset inunnit tunijausimajut Nunatsiavuttimit.  Taikkua katimattet ikajulâttut katitsuigiamut unikkausinik unuttunik pidjutiKajunik sakKititaulâttunik Inuktitotillugit amma pitaKatillugit allanguattausimajunik nunalinnut.  NigiugutiKavugut tainna  suliangujuk ilautitsigianganik unikkâKatigellutik katingaKatigevitsanik amma tamanna pidjutigillugu katimannisanik amma ilautitsilutik ilinniatinik.

Nunatsiavut nunaliKutingit ilauKataullagilâttut tapvani suliangujumi, tunitsiKattalutik unikkausinik amma isumatsasiugutitsanik, ammalu ilauKatauKattalutik atuaganni allanguaKattalutik. Atuttaunginnatut nunalinnik Piniannigijaunginnatut nunalinnit ikajuttauvitsasiugiamut ilingajunik unikkausinut amma allanguattauKattatunut atuKatiKaliaKilâttut suguset atuaganginnik taijaujunik InukBook nunalinnut. Taikkua atuagait sakKititautuappata ivlinattumagiullutik ikajuttaugutigijaulâttut ilinniavinut Nunatsiavuttimi. Ilinniasimajuk taijaujumi Nunatsiavut Bachelors of Inuit Education suliaKalâttuk aulataugusigilâttangani tâtsuma suliangulâttop.