ENGLISH/INUKTITUT
traditionandtransition@mun.ca        
    

    

    

Kaujititsinik kinaunimmikAllanguattauningit Labrador Inuit Piulimatsivingit

Kaujisattik

Mark David Turner

Kaujisapviutausok

mark.turner@mun.ca

Labrador Inuit atjiKangitumik ilinganiKaKattajut namminigijamminik taimangasuanit allaKutinginnik. Uvagut iniKajugut siKinganimmi, sollu allaKutet piulimajauKattajut atâgut palangaittausimajunut pigutimmik atutlutik, pejausimatlutik atuttauniangimut, Iluani Nunatsiavummi, tâvatuak, sollu allaKutet ilangagijauvuk inosigijaunginnatlutik. Akungani katimmaviup ingitinginni Nain-imit amma Hopedale-imi, OKâlaKatiget Society-ikuni (tânna Inuttitojuk nâlautiKapvik), amma iluani nunalinni allasângutitsijet illualunginni sollu Stratchona Illungani Rigolet-imi amma taikani White Elephant Piulimapvingani Makkovimmi, piulimajauKattajut allaKutet pinianniKattisiKattajut piniannigiKattajanginnik. Suli, ilinganiKajunut atunik allaKutik ikajujunut sakKititsigiamut ullu tamât inosigijauKattasimajunut Labradr Inunginnut, maggolonnet suli sakKisimangitut. Suliatsagali iluani tâpsuminga PiusituKait amma Asianguvalliajunut Akunga Labrador Inuit Kaujisattaujop Ikajuttigejunut ikajugasuagiamut ilonnanginnik taikkuninga piKutiujunut atuttaunginnaKullugit.

SuliaKaKattavunga suliaKapvini Nunatsiavut kavamakkuni, OKâlaKatiget Society amma unuttunik nunalinnik amma silatâni ikajuttigejunut, pingasunik tugâgutiKatluta. Sivullipâk tugâgutik una ikajugiamut pivalliatitsiluta angijummagimmik katitsutaumajunik piulimapvimokkulugit taikkunangat taimangasuanit piKutivininnik tigumiattaulangajunut Nunatsiavut kavamakkunut. SuliaKaKatigetlunga tulligettitaumajunik piulimajausonut suliatsanik nalunaittausimajunik taipsumani sivullimi pigiasijausimajunut pigiasittaulaugaminit PiusituKait amma Asianottauvalliajunut, sivullipânga pitagijangit ilinganiKajunut piulimatsiliaKigiamut pisimajuk allataumajunit amma atjinguanit tâkkunangat Hudson’s Bay kampanikkut Piulimapvinganik, atjinguat tigumiattaumajunik Moraviap Piulimatsivinganik Bethlehem, allataumajunik piKutingit sollu Moraviap nenilautsimajanginnik Periodical Accounts, tânna OKâlaKatiget Society, kinatuinamot illengajuk, amma atjingualiuttaumajunik taipsumangat James Robert Andersen.

Tânna kingullia tugâgutik pivalliatitsigasuajuk KaujimaKatigennik nunalinni-ilinganiKajunut-nipiliuttaumajunik-takugatsanik piulimajaujunut initsanganik taijaujumik Nunatsiavuk Ilikkuset Tusagatsaligijet KaujimaKatigegutinga. Kangakiak, tamakkua initsait kiggatulangavut nunalinni initsanginnik atuttausonguniattilugit iluanut katitsutaumajunik Piulimapvinganut tâvatuak ikajullunillu nunalinni piulimajaujunik amma piulimajaujunik-ilinganiKajunut suliatsanik sollu Hopedale-imi Moraviap Misiunet Illualungita Atuagapvinganik amma Piulimapvinganut, tânna White Elephant Piulimatpvinga Makkovimmi amma tânna ‘UKausiga’: Kagitaujakkut Unikkauset amma Tugasatsaligijet SuliaKapvinga Rigolet-imi. SakKilagilangajut aulatauningit tâkkununga iniujunut sakKititsilangajuk atuttausongugiamut amma ilagiattaulutik pitagijangit, ilonnanga aulatauningit KaujijauKattatillugit nunalinnut namminik.

Tânna pingajua tugâgutik Kaummatitsigiamut pitaluviniKajunut piulimajaujunut allaKutinnik ilinganiKajunut Labrador Inunginnut tâkkutigona kinakkutuinnanut ikajuttaugumallutik nenittaunikkut amma ajunnatongitumik suliagijaullutik. Allataumajut pitjutiKajunut Labrador Inuit piulimajaujunik sakKilauttuk iluani Labrador Life, NQ, amma ilinniavimmejunut Kaujisattausimajunik. SuliaKaKattagivunga Kanittumik ukuninga Nainip Tittulautingit | Nain Brass Band ikajugasautlutik utittisivalliagasuagiamut piusituKagijanginnik tâkkutigona taimangasuanit piKutigijausimajunut. Piulimajaujut allaKutet tukiKatsiangitut inuKalugatik sakKitigasuagianginnut. Pigumavunga ikajugiamut sangilivalliaKullugit ilinganiKajunut akunga Labrador Inunginnut amma pitaluviniKajunut piusigijaulautsimajunut allaKutiliulluta.

Suliangujut