ENGLISH/INUKTITUT
traditionandtransition@mun.ca        


Unikkausivut



Kiviannik Sivulligisimajattinut

............................................

Suttu-Kalimmangat

Ikajuttiget

Adventure Canada pitaKatitsiKattatut IkajuttigeKatiget atusongugianginnut unuttumagiujunik KaujimattisiutigiKattatanginnik akKutigijautillugit takKi tamât sakKititauKattatut unikkausiliuKattatangit amma amma inoKatiget tusaumattitaugutingitigut Kaijonni maggoni jârenni. Adventure Canada takujatitsidlutik niuggutitsiKattatut ilanginnut Kaningitumenippaujunut Canadami, amma sakKititsisimalittut ilaliugutimmik Nunatsiavuttimut 20-ni jârini ilalinni Kângisimalittuni. Tainna niuggutiliginimmut kampanik killigiudjiutiKasimajuk atuKattagiamut ingiggautinnik utittaujigiamut inunnik ammalu sunagalannik atuttaugiaKaKattatunik Kaningitumik suliaKapviuKattatuni.

Arctic Studies Center, Smithsonian Institution tânna Kaujisapvik ikajuKattatuk atuttisiKattanimmigut Kaujisanimmut umiamik. Tânna umiak taijaujuk Pitsiulâk 1970-ninit atuttauKattasimajuk Kaujisajunut Labradorimi. Ununnisaulittuni 40tinit jârini nunalet ilauKatautillugit itsasuanitaliginimmut Kaujisanniusimalittuni piKatigijautillugit Labradorimiut Inuit, tânna Kaujisapvik taijaujuk Smithsonian Institution atuKatiKajuk unuttumaginik katitsusimajanginnik siagunitavininnik, adjinguanik, allatausimajunillu taijaujumik ikajuttigeKatiKaKattatuk taijaujop PiusituKaujuit Asianguvalliajuillu Kagitaujatigut pokKaidlutik suliagijanganut. Tainna Kaujisapvik ikajuttigeKatiKalâmmijuk nunagijaujumi Kaujisattinik sakKititsiKattagiamut adjigengitunik piKutigalanik.

Association of Newfoundland and Labrador Archives (ANLA) pitaKatitsiKattatut siagunitanik piulimatsivinnut ilinniatitaugutinnik amma uKaudjigiajinik ilingajunik Nunatsiavut nunaliKutinginnik, aulatsijinik ammalu asinginnik suliangujumut ilauKatauKattatunik. ANLA pitaKatitsiKattamijut uKaudjigiattaugutinnik pidjutigijautillugit siagunitanik piulimatsivimmejut Kaujimattitaugutet-tigumiattaujut, amma pivalliatitaugutingani iluingaisiajuk Kagitaujakkut pokKatauKattatunik siagunitanik piulimatsivimmut Labradorimiut Inuit Kaujimannigijanginnik.

Concordia University – Ilinniavitsuak pitaKatitsiKattatuk Kaujisattinik, initsanik, ammalu kenaujaKattisiKattadluni taijaujunik PiusituKaujuit Asianguvalliajuillu Ikajuttigettingit. Concordia Ilinniavitsuanga kiggatuttiKajuk ominga Dr. Heather Igloliorte, tânna Ilinniavitsuami Kaujisannimut Itsivautaujuk ilingajunut NunaKakKâsimajuit Allanguagusinginnut, pitaKatitsiKattadlunik Kaujimannigijaminik Labradorinuit Inuit Allanguagusinginnut.

The Field Museum of Natural History Nutaungitunik Piulimatsivik pitaKatitsiKattatuk ilinniatitaugutinnik Nunatsiavummiunut, ammalu atuttautitsiKattadlutik siagunitanut pivianattunut katitsutausimajunik Nunatsiavuttimi, ilangit pitagijangit sakKititausimajut 18 hontait nânigalanginni.

Hudson's Bay Company Archives Siagunitanik Piulimatsivik atuKatiKaKattatuk siagunitanik piulimatsivimmejunik Kaujimattitaugutinnik pisimajunik taijaulittumit Nunatsiavut, sollu pigiannimi Kaujimattitaugutiliuttausimajunik, nunanguanik, amma adjinguanik sakKititausimajunik Kângisimalittuni hontagiallâni jârini.  Tapvani siagunitanik piulimatsivimmi siagunitaligijet ikajuKattatut Kaujisattinik Kinigiamut angijummagimmit piulimatsivinganit.

Labrador Creative Arts FestivalatuttautitsiKattatut 40ni-jârini siagunitanik piulimatsivinganejunik pitaKajunik allatausimajunik, adjinguanik amma aulatsiutingita alakkasâjanginnik, ammalu suliaKapvinut inigijausonik, ammalu atuttautitsiKattadlutik suliagijanginni piusigiKattatanginnik ammalu Kaujimattisigiamut atuKattatanginnik.

Moravian Church in Newfoundland and Labrador  atuttautitsiKattatuk pivianattuKutigijanginnik Morâviat nunaKutigijanginni ukunani Nain, Hopedale, Makkovik amma Happy Valley, Goose Baymi. Kaujisattet ilauKataujut taijamut PiusituKaujuit Asianguvalliajuillu ikajuKattatut Morâviat katimmavinganik suliagijauKattatuni sollu iluvitsivet Kanuilingatsiamangâta nalunaikkusegiamut, âkKisuigiamullu tukisinatsialittilugit, nutângutitsigiaKattagiamut Inuktitut allasânguttitausimajunik Gudiup UKausinginni.

My Word: Storytelling & Digital Media Lab sakKititsiKattatut initsaKatitsiKattatut Inunnik uKâlautiKagiamut nunagijaujumi kinaunigijaujumik.  Tânna suliangujuk pigiasittitausimajuk initsagijautillugu Labrador Inuit uKâlautiKagianginnut isumâluttitaugutigijanginnik pillugu silaup asianguvallialinninga tâvatuak mânnaulittuk ilagiattaudluni angijuguttitaugiasimalittuk. Tânna suliangujuk pitaKatitsiKattatuk nipiKatillugit-taggajâliugutinnik, amma katimattisiKattadlutik sakKititsigiamut Kagitaujatigut pokKatauKattatunik unikkâgalannik. Taikkua nunalet Rigolettimi sâlaKasimajut tâtsuminga suliangujumik pivalliatitsidlutik ilisimajaugialinnik Kagitaujatigut pokKaisongugiamut unikkâgijauKattatunik atuttauKattalittutut asinginni nunalinni Nunatsiavummi.

OKâlaKatiget Society ikajuttigeKatiKaKattatuk taijaujumik PiusituKaujuit Asianguvalliajuillu kajusititsigiamut pikKujaugutinginnik asiuttailititsigiamut amma sivumuatitsigiamut Labradorimiut Inuit uKausituKanganik, piusituKanginnilu. Tânna OKâlaKatiget Society pitaKatitsilâttuk senani jârini sakKitisimalittanginnik nipiliuttausimajunik amma taggajâliuttausimajunik piKutigijanginnik atugatsanginnik IkajuttigeKatigijangita Kagitaujatigut pokKatausimajunik tungavtsanganut suliagijangani, ammalu tusâttautitsiKattalutik unittunik unikkâgijausimajunik taikkua PiusituKaujuit Asianguvalliajuillu sakKititKattalâttanginnik.

Parks Canada ikajuttigeKatiKaKattatuk taijaujumik PiusituKaujuit Asianguvalliajuillu akKutiKadlutik aulatsiKatigennikut piKatigegusigijanginnik Labradorimiunut Inunnut Tongait KakKasuanginni Canadalimâmi SilakKijapvimi. Taikkua SilakKijapviligijet pikKujaugutiKajut pivalliatitsigiamut piunitsamik tukisiniKagiamut piKatigegusigijaujumik, amma aulatsiusigijaujumik, akungani Inuit nunaullu. Parks Canada pitaKatitsilâttuk attatuttausonik akiKatillugit, Kulimigolinnik, umianillu ikajugiamut Kaujisattinik aisongugiamut upagianginnut ajunnaluattunut iluanejuni silakKijapviup.

Peary-MacMillan Arctic Museum, Bowdoin CollegeIlinniagiallavik atuKatiKaKattatuk Nutaungitunik Piulimatsivimmik 140-ni jârini allatausimajunik ammalu taggajâliuttausimajunik taimangasuanit piusigiKattasimajanginnik Labradorimiut Inuit. Tânna ilinniagiallavik pivitsaKatitsiKattatuk atusongutitsigiamut Kagitaujakkut pokKatausimajunik katitsutausimajunik taijaujunut PiusituKaujuit Asianguvalliajuillu Ikajuttigettinut, amma pivitsaKatitsiKattadlutik Kaujisattinik atusongutitsigiamut katitsusimajanginnik taijaujumi Arctic Museum.

The Rooms Corporation of NLtânna nutaungitunik takujapviup kuaparâsanga taijaujop The Rooms pitaKatitsiKattatuk ikajutsitaugutinnik, ilinniatitaugutinnik, ammalu atutitsiluni Prâvinsimi  Nutaungitunik takujapviup katitsusimajanginnik ilinganiKajunik Labradorimiunut Inunnut taikkununga PiusituKaujuit Asianguvalliajuillu Kaujisattinginnut. Siagolippat, The Rooms ilautitsilâttuk siagunitavininnik sakKititausimajunik ikajuttigeKatigenningitigut, ammalu pitaKatitsiKattatuk tasiuttaugiagutinnik pannaitaugutinganut taijujop Illusuak IlikKusiliginimmut SuliaKapvik Nainimi.

Them Days Archives and Publicationssiagunitank unikkausittalinnik Kimiggualiuttet sakKititsiKattalâttut allatausimajunik ilingatillugit taijaujumut PiusituKaujuit Asianguvalliajuillu atunit KimiggualiuKattatanginni nâjillugunut ikajuttigenguKataunninga. Taikkunani Kimiggualiuttet allaKattasimalittut Labradorimi taimangasuanit piusigijauKattasimajunik nipiliuttausimajunik apitsutaujuKatillugu 40nit jârinit akuniunitsaulittumi, ammalu pivtsaKatitsijut atusongugiamut unuttumagiulittunik siagunitanik piulimatsivinginnik ammalu sivungani sakKitiKattasimajanginnik, nalunaittautitsisiajunik Nunatsiavummi taimangasuanit piusigijauKattasimajunik pitillugit uKausigisimajanginnit inuKutingita, unuttut ajulisimalittut.

University of Toronto, Department of Linguistics Ilinniavitsuami Torontomi UKausituKaliginnimut SuliaKapvik pitaKatitsiKattatuk inigijausonik, kenaujatigut ikajutsitaugutinnik, pivianattugijaujunik amma Kaujisattinik taijanut PiusituKaujuit Asianguvalliajuillu Ikajuttingit.  Tapvani Ilinniavitsuavimmi ikajuttigenniujumi kiggatuttigijaujuk Professor Alana Johns, tânna aulatsilâttuk uKausiliginimmut Kaujisannimik ammalu uKaudjigiagiKattaluni asinginnik ilauKataujunik pillugu uKausituKait utittitaugasuagutinginnut suliagijaujuni.

Université de Montréal, Institut de recherche en biologie végétale Tânna Ilinniavitsuak Montreallimi aittuiKattatuk Kaujisattinik, piKutitsanginnik ammalu atuttiKattadlugit suliaKapvisanginnut initsanginnik ammalu suliaKautitsanginnik Kaujisagiamut Labradorimiut Inuit ilusituKanginni Kaujimannigijanginnik piguKattatut atuttaugusinginnut, ammalu Kanuk tamakkua attutauniKalimmangâta silaup asianguvallianinganut. Tapvani Ilinniavitsuavimmi ikajuttigenniujumi kiggatuttigijaujuk Alain Cuerrier, ammalu aulatsilâttuk Kaujisannimik ilonnâni  Nunatsiavuttimi.

Western University tânna Ilinniavitsuak pitaKatitsiKattatuk Kaujisattinik kenaujatigut ikajutsitaugutinnik ammalu ingiggautitsanginnik. Dr. Christopher Alcantara tâtsumani ilinniavitsuami kiggatuttigijaujuk ammalu Kaujisalâttuk pivalliatitaujuni sivuligiamut piusigijauKattatunik amma kavamanik Nunatsiavuttimi.

White Elephant Museum Inc. Nutaungitunik takujapvik atuKatiKaKattatut piKutinik, inigijausonik amma nunagijaujumi ilisimannigijaujunik inunnit Makkovimmi. Kaujisattet Kagitaujatigut pokKailâttut ammalu nalunaikkusellutik nutaungitunik takujapviup piulimatsivinginnik, pitaKatitsilutik ilinniatitaugutinnik siagunitanik piulimatsiviligisongugiamut nunalinnut, sakKititsilutillu Kagitaujatigut katitsuilutik iluvitausimajut Kaujimajaugutinginnik ilingatillugit nunalet iluvitsivinganut.