ENGLISH/INUKTITUT
traditionandtransition@mun.ca           

Unikkausivut



UKâlalautta Inuttitut!

............................................

Suttu-Kalimmangat

Kaujisannik

Kaujisattet unuttuni jârini tikiKattasimalittut Nunatsiavummut, tâvatuak sivullipaujumi mânna Labradorimiut Inuit ilauliaKisimalittut taimâk angitigijojumik amma iluingaisiajumik Kaujisannimut ikajuttigegusimmut. PiusituKaujuit Asianguvalliajuillu kajusititsiKattatuk Kaujisannimmik tamâgut aulajangitigut Labrador Inuit ubvalu piKatigidlugit. Tainna ikajuttigegusigijaujuk pigasuagutiKajuk sakKititsigiamut idjasijaugajattumik iluingaisiajumik nunalituKaujunik Kaujisannimik angijummagimmik ilatsigiagajattumik Kaujimannigijaujunik ammalugiallak piusititsigiagajadluni nunalituKaujunik.  

2014-nami Memorial Ilinniavitsuanga amma Nunatsiavut kavamanga atittâgisimalauttok tukisiKatigennimut angiKatigegutimmik pivalliatitsigiamut Kaujisannimut pivitsagijaujunik Nunatsiavummi. Tainna ilinniavitsuak pivalliatitsigajammijuk inulimât Kaujimattitaugutitsanginnik iluani ammalu pidjutigillugu Nunatsiavut, ammalu ikajullutik Nunatsiavummik pivalliatitsigiamut namminigijanganik Kaujisannimik pisongunniKagiamut, inoKatigeguset maligatsanginnik pivalliatitsigiamut amma piusituKanik aulatsisongugiamut.

Tamânetsainajutsak Kaujisannimut ilingatillugu suliangujuk sakKititsigajattuk Kaujisannimut ilingajumut suliaKattisamik atunit Nunatsiavut nunaliKutinginni. Tamanna ikajusongulâttuk pivalliatitsigiamut kisiani nunaKutigijaujumut ilingajunik Kaujisannimut pigatsagijaugialinnik, ammalu ammaigiallaluni pivitsagijaugiallagajattunik sivunitsami Kaujisanniulâttuni.

Taikkua Nunatsiavut Kaujisannimut UKaudjigiajiudlutik katimattiujut, atâgut Nunatsiavut kavamangata Kaujisannimut SuliaKapvingata angiutiKaKattatut ilonnainik Kinugautiliuttausimajunik KaujisanniKagiamut iluani Nunatsiavut upvalu pidjutiKajumik Nunatsiavummiunik.

Mânnaujumi pitaKavuk suvailfanik Kaujisannimut suliangujunik atâgut taijaujop PiusituKaujuit Asianguvalliajuillu, asigiallanginnik suvailfanik pivalliatitaujuKatillugu. Ilonnatik Kaujisanniujut atâgut ikajuttigegutigijaujop ilinganniKajut atautsimut ubvalu unuttunut pidjutigijauluattunut: