ENGLISH/INUKTITUT
traditionandtransition@mun.ca        


Unikkausivut



Kiviannik Sivulligisimajattinut

............................................

Suttu-Kalimmangat

Ikajuttigegusik

InoKatigegusimmi ivlinattulagiujut Kaujimannigijangit piusigiKattasimajanginnilu ilisimannigijangit InutuKangita, taikkua Kaujimannigijangit inosimmini atuKattasimajanginnit pigunnatitsisimajut Inunnik kajusitsianiKagiamut pivallianigijammini ilonnangani Taggami. SiKinimmi piusiKaKattasimanimmut Kaujimannigijaujuk, katitsitausimajunit takunnaKattasimanikkut ammalu KaujisaKattanik, pitsatunigijaujut. Tamannaumat tâkkua maggok adjigengitok Kaujimannigijaujok ilangani akigattotittojâKattagaluatillugik, taitsuma PiusituKaujuit Asianguvalliajuillu Ikajuttigegusiup ilusigijanga katsungainiKatitsisongujok uKâlautiKatitsigiamut magguilingajumik isumagijaugutiKatillugit. UKâlaKatigeguset akungani taikkua Nunatsiavummiut ilisimannilet Kaujisattelu sakKititaunginnaKattalâttut Kaujimatitsinginnagiamut nunalinnik jâriup ilangani KimiggugiallaKatigeKattalutik tamaita ikajuttigejok ammalu pivitsaKatitsiKattagiamut nunalet ilauttitauKattagianginnut Kaujisanimmi.

Memorial Ilinniavitsuak amma Nunatsiavut kavamanga adjigetsiatumik ilonnâgut ikajuttigegusiKajok; ilonnatik ilauKataujut ikajuttigegusimmut pivitsaKattitauKattaniattut isumagijamminik sakKititsiKattagiamut sivulijaugusimmut amma aulataugusinganut suliangujop.

Tainna suliangujuk kenauKattitaujuk amigangitumik ikajutsitaugutimmik pisimajumik InoKatigeguset kamagijaugutinginni Kaujisattilaget amma Inulimât Kaujisattaugutinginnut kaunsalliujunut Canadami (Social Sciences and Humanities Research Council of Canada (SSHRC). Atâgut tâkkua kenaujait âkKitaugusigisimajangata, Memorial Ilinniavitsuanga tigumiajuk kamagiaKattitaugutimmik katutjiKatigenniup aulataugusinganik ammalu kenaujanik aulatsigiaKanimmut. Tamannaugaluattilugu, aulatsiutinginnut ilusigijaujuk, ingiggatitaugusingita aulataugusingit amma pitsiaKatigennikut sivuliKattanikkut adjigettumik kiggatuttauniKaKatanegitut tamaita ikajuttigenniKajok.

Nunatsiavut amma Memorial pimmagittonippaugaluattilugik, unuttunik asinginnik katutjiKatigenniujunik ilauKataujuKavuk tapvani Ikajuttigegutigijaujumi, pisimajunik mikijunit nunalinni siagutsuataliginimmut katutjiKatigenginnik sollu taitsutunak taijaujutut Agvituk Sivummuak katutjiKatigenningatut amma tainna taijaujuk White Elephant Siagutsuanitanik Piulimatsivik; tikidlutik angijunut nunatsualimâmi amma nunatsuaKatigengituni katutjiKatigenniujunut sollu Smithsonian SuliaKapvingani taijaujumi Smithsonian Institute amma SilakKijapviligijet Canadami. Nunagijammi unikkâgalattet ilauKataummijut tapvani suliangujumi, nipiKadlutik piKattatunik nunagijaujumi tusagatsaligijinit sollu taikkua OKâlaKatiget Society, My Word Digital Storytelling Studio, amma Them Days Magazine.