ENGLISH/INUKTITUT
traditionandtransition@mun.ca           

Unikkausivut



UKâlalautta Inuttitut!

............................................

Suttu-Kalimmangat

Pigatsagijaujut

PiusituKaujuit Asianguvalliajuillu tainnaujuk tallimani jârini ikajuttigegutigijaujuk akungani  Memorial Ilinniavitsuangujop Newfoundlandimi amma Nunatsiavut kavamangata, kiggatunniKajop Inunnik Labradoradorimiungujunik. Tainna tugâgutigijaujuk ikajuttigennikut songusittisivalliagiamut IlusituKami Inuit Kaujimannigijanginnik ammalu Kaujisannigijaujuni  Nunatsiavummi, kamatsianiKagasuamut pitsatusivalliatitaugutitsanginnik Labradorimiut Inuit piusituKagijngit.

Tainna ikajuttigegusik sakKititausimajuk adjigetsiatumik ikajuttigegusitsagijautillugu akungani maggok katutjiKatigenniujok ammalu tugâgutigijaujuk sakKititsigianganut pivallianiKatsiatumik atuKatigegiamut Kaujimannigijanginnik, iniKajumi ilinnianiKagumajuni amma KaujimaniKajuni  atusimanimmigut inosimmini Kaujimannigijanginnik Labradorimiut Inuit katipvigiKattagajattanginnik kamagiamut mânnaujumi sivunitsagijaujumillu kingomagijaujunik Nunatsiavut.

2015-nami senanik jârinik Nunatsiavut ullusiupvinga nalliutilauttuk pigiasilaunninganit namminik kavamaKanimmik. Taitsumani tikilauttut ullusiugutiKanimmut, piiusigisimalittanganik kamagiallagiamut, amma pitsavitsasidlutik kamagiamut Nunatsiavut sivunitsanganut inoKatigegusimmi piusigijanginni. Tainna PiusituKaujuit Asianguvalliajuillu Aulataugutingani Ikattigegusik sakKititausimalauttuk tugâgutigijautillu ikajotigijaugiamut Labradorimiunik Inunnik napvâgianginnut anginitsamik tukisittitaugutitsanginnik namminigijanginnik piusituKagijangani ilusituKagijanginnik, amma atullutik taitsuminga tukisiutigisimajamminik ikajugiamut piulimatsigiamut Inuit ivligiluattanginnik sângaviulinnimini sukkajummagimmik asianguvallialittumi silatsuami.

Kaujisattet pisimajut Memorial Ilinniavitsuanganit amma asinginnit ilinniavitsuanit suliaKaKatigeKatiKasimalittut Labradorimiunik Inunnik jârigiallâni unuttumaginni suliangusimalittuni. PiusituKaujuit Asianguvalliajuillu ilatsigiagutituinnaungituk taikkununga suliagijausimajunut, tâvatuak pigutitsivallianikkut sivuagutigijaujuk, Inuit amma ilinniasimajut Kaujisattet pigiaKalimmijut pivalliatitsigiallagiamut sakKititsigasuanikkut atuvalliniKatsiatumik piKatigegusiKagiamut piunitsamik tukisiutiKagiamut Labradorimiut Inuit kinaunigijanganik. Tainna Kaujisannik pigiasittitausimajuk sakKititsigunnalâttuk anginitsamik ilivallianikkut tukisiniKatsiagusitsamik, ammalu ikajulluni Labradorimiunik Inunnik songusititsigiallagiamut Inogusimmini namminik aulatsisongugiamut.

Nalliagutuinnak Kaujisanimmi ‘taimangasuatanit piusigijauKattasimajunik’ Nunatsiavut itsasuanitanit pivianattugijanginni, ubvalu sakKititsinikkut Inuktitojumik suguset atuaganginnik  malittigejunik, tainna PiusituKaujuit Asianguvalliajuillu Ikajuttigegusiup pimmagittonippautillugu tugâgutigijanga pigutitsigiamut isuKangitumut tatiKatigegusitsanik akungani Inuit kinguvâgegiallâgijanginnut Inuit amma ilinniagutinut suliangujunut Nunatsiavummi. InutuKait, inosuttuit, ilisimajullaget Kaujisattet, amma ilinniavimmik pijagetainnasiamajut ilinniatet ilonnatik suliaKaKatigeKattatut adjigettumik tugâgutiKadlutik, piunitsamik tukisiniKagiamut ammalu ikajugiamut songusittisigiagiamut Labradorimiut Inuit piusituKanganik, kinaunigijanginnik, amma sivulisongugiamut.

.